ಎಲ್ಲಿ ಹೋದೆ ಸ್ವಾಮಿ ನೀನು
ಮತ್ತೆ ಹುಟ್ಟಿ ಬಾರೆಯಾ?
ಜಗವು ನಿನ್ನ ಮಾತ ಮರೆತು
ಮೆರೆಯುತಿಹುದು ಕಾಣೆಯಾ?
ಅಂದು ನೀನು ಎತ್ತಿ ಹಿಡಿದ
ಧರ್ಮವಿಂದು ಬಳಲಿದೆ |
ನಾಯಿನರಿಗಳಬ್ಬರದಲಿ
ಸಿಂಹನಾದ ಅಡಗಿದೆ ||
ಯುವಕರಲ್ಲಿ ಸ್ವಾಭಿಮಾನ
ದೇಶಭಕ್ತಿ ತುಂಬಿದೆ |
ನಿರಭಿಮಾನಿ ತರುಣರಿಂದ
ದೇಶವಿಂದು ನಲುಗಿದೆ||
ನಿನ್ನ ತುಡಿತ ತುಂಬಿಕೊಂಡ
ಜನರ ರಕ್ತ ಹರಿದಿದೆ ||
ರಾಜಕೀಯದಾಟದಲ್ಲಿ
ತರುಣಜನತೆ ಸಿಲುಕಿದೆ ||
ಒಬ್ಬ ಬಂದರಾಗದಿಂದು
ಉದಿಸು ಎಲ್ಲರೆದೆಯಲಿ |
ಆನಂದಝರಿಯ ವಿವೇಕ ಬುಗ್ಗೆಯು ಚಿಮ್ಮಲೆಮ್ಮಯ ಮನಸಲಿ ||
✍🏻 *ಮಹಾಬಲ ಭಟ್, ಗೋವಾ*
No comments:
Post a Comment